A day without laughter is a day wasted - Charlie Chaplin

_______________________________________________________________________________________

මේ..මේ.. මර්වියා වලා...මං ඩලස්


නවනීදන් පිල්ලෙයි ලංකාවට ආවේ අපට අනුව නම් පව් සමා කරගන්නය. ඈ පවු සමා කර ගත් පසු අපට ලැබෙන්න නියමිතව ඇත්තේ පිටු ගණනක වාර්තාවකි. ඝාතකයෝ ද වධකයෝ ද අණ දුන්නෝ ද හෙට දචසේත් යෙහෙන් වැජඹෙති.

එක්සත් ජාතීන්ගේ සංවිධානයේ බැංකි මූන්, විජේ නම්බියාර් හා නවනීදන් පිල්ලෙයි 2009 දී ලංකා ආණ්ඩුවේ හමුදා වන්නියේ නිරායුධ දෙමළ ජනයාව සමූලඝාතනය සිදුකරණ විට නිශ්ශබ්දව අනුබලය දුන් අයුරු හා නොසළකා සිටි අයුරු දැන ගැනීමට නම් ෆ්‍රාන්සස් හැරිසන්ගේ “Still Counting the dead” පොත කියවිය යුතුය. පහතින් ලින්ක් යොදවා ඇති “ගැණ නොනිමි මළවුන්“ නමින් එහි සිංහල පරිවර්තන ලිපි පෙළෙහි පළමු කොටස් හතර කියවීම ඒ සඳහා ප්‍රමාණවත්ය. එ දවස අධිරාජ්‍යවාදය ලංකා ආණ්ඩුවේ රෙද්ද අස්සේ දැඟළූ ආකරය එයින් දැක ගත හැක.

සමූල ඝාතනය... සමූල ඝාතනය... මෙය බොහෝ දෙනෙකුට හිස කැක්කුමකි. “සමූල ඝාතනයකින් හෝ කමක් නෑ යුද්දෙ ඉවරවුනානෙ“ හිතේ සුවෙන් ඉන්න බොහෝ දෙනෙකුට මේ වචනය වධයකි. එහෙත් මිත්‍රවරුණි නුඹලාගේ කැමැත්ත හෝ අකමැත්ත නොව කුඩා දරුවන් කාන්තාවන් ද ඇතුළුව දෙමළ ජනයා ලක්ෂයකට වඩා සිංහල හමුදාව විසින් මරා දැමීම තිත්ත ඇත්තකි.

මේ වගත් එසේම.

සුදු ඇන්ද මන බැන්ඳ මාතර කොට ඩලස්ට හදිසියේ නව නීදන් පිල්ලේ ට මර්වින් ගෙනා මංගල යෝජනාවට ලැජ්ජා සිතී ඇත. සීලාචාර කම හා සදාචාරය මතක් වී ඇත.

එහෙත්..වන්නියේ

ආණ්ඩුවේ හමුදා නිරායුධ මිනිසුන්ගේ හිසට වෙඩි තියද්දී..
ආණ්ඩුවේ හමුදා සොල්දාදුවෝ දෙමළ තරුණියන්ව සමූලව දූෂණය කරද්දී..
ෂෙල් වැදී ඩලස්ගෙ දරුවන්ගේ වයසටත් වඩා පොඩි එවුන් කෑලි කෑලි වලට කුඩු වෙලා යද්දී..
සුදු පොස්පරස් වැනි රසායනික අවි වලින් පහර දී මිනිසුන් දැවී මැරෙද්දී..
ලෙඩ්ඩු ඉන්න රෝහල් වලට උඩින් බෝම්බ දමද්දී..
උවමනාවෙන් ම ආහාර පාලනය කර පුරවැසියන්ව නිරාහාරව තියද්දී..
ලෝකයම දැන ගෙන සිටිද්දි සුදු කොඩි අරන් පැමිණි නිරායුධ මිනිසුන්ට වෙඩි තියා මරා දමද්දී..
දොස්තරවරු බෙහෙත් ඉල්ලා දැනුම් දුන් විට ඩලස්ලාගේ ආණඩුව ප්‍රතික්ෂේප කරද්දි..

ඩලස්ට ලැජ්ජා හිතෙන්නේ නැත. සීලාචාර කම හා සදාචාරය මතක් වන්නේ නැත.

(දැං ඉති කියන්න එපා “මේ බලපල්ලකෝ...ඇයි? කොටි මැරුවෙ නැද්ද“ කොටි මරපු ඒවට ඩලස්ට කොහොමත් ලැජ්ජාවක් තියෙනවැයි)

දකුණේ....

නිරායුධ උද්ඝෝෂණ වලට වෙඩි තබා මිනිසුන් මරා දමද්දී..
තමන්ගේම පක්ෂයේ මන්ත්‍රීවරු ළමා අපචාර ස්ත්‍රී දූෂණ කරද්දී..
ආණ්ඩුවේ අනුග්‍රයෙන් සුදු වෑන් වලින් පැමිණ මහ දවාලේ විරුද්ධවාදීන් අතුරුදහන් කරද්දී..
ආණ්ඩුවේ ඉන්න මැති ඇමතිවරුන්ගේ අනුග්‍රහයෙන් මත් කුඩු රට පුරා පතුරවද්දී..
තමන් ඉස්සර කරපු පත්තර රස්සාවේ සගයන් මරා දමද්දී අතුරුදහන් කරද්දී රටින් එලවද්දී..
ආණ්ඩුවේ ලොක්කාගේ සිට සොක්කා දක්වා මිලියන ගණන් සල්ලි වංචා කරද්දී..
ලංකාවේ වනාන්තර හා ස්වභාවික සම්පත් ඇති තරම් කොල්ල කද්දී..
රටේ නායකයා ලංකාවේ අධිකරණ පද්ධතියම දේශපාලනකරණය කරද්දී..
ආගම්වාදය ජාතිවාදය ආණ්ඩුවේ අනුග්‍රහයෙන් ම රට පුරා පතුරවද්දී..
නිදහස් අධ්‍යාපනයේ මළගම ඇස් පණාපිටම සිදු වෙද්දී..
තමන් සිටින ආණ්ඩුව යටතේ රටේ සංස්කෘතිය සම්පූර්ණයෙන්ම විනාශවෙලා යද්දී..

ඩලස්ට ලැජ්ජා හිතෙන්නේ නැත. සීලාචාර කම හා සදාචාරය මතක් වන්නේ නැත.

ඩලස්-විමල්-මර්වින්-චමිපික-වාසු වැන්නවුන්ගේ ස්වරූපයෙහි හැර වෙන වෙනසක් නැත. ලොක්කාගේ උවමනාවට මොකක් හෝ ප්‍රකාශයක් සිදුකිරීම හෝ තමන්ගේ උවමනාවට කට කැඩිච්ච කතාවක් කර හෝ ලොක්කා මොකද කියන්නේ යැයි වටින් පිටින් හොයා බැලීමට වඩා දෙයක් ඔවුන්ට ඇත්තේ නැත. අවසානයේ ලොක්කා විසි කරන කටුවක් ලෙවන්නට දත මැද බලා ගෙන සිටිති.

අපි සියළු සත්වයන්ට ම නිදුක් නිරෝගී සුව ප්‍රාර්ථානා කරමු. එහෙත් පිංවතුනි ඩලස්-විමල්-මර්වින්-චමිපික-වාසු වැනි එක නිකායේ ඉහඳ පනුවන් නම් එම සත්ව වර්ගයාට අයත් නැත.

5 comments:

  1. still counting dead pothe full pdf free version ekak tiyenawanam link eka daanawada

    ReplyDelete
    Replies
    1. As far as we know there is no free PDF as of today. But the link below gives the first 30 pages (basically the introduction):
      http://www.houseofanansi.com/Assets/ProductAssets/StillCountingtheDead/StillCountingtheDead_chapter.pdf

      This is the link to the web:
      http://www.stillcountingthedead.com/wp/?page_id=13

      This is the cheapest paperback:
      http://www.penguinbooksindia.com/en/content/still-counting-dead

      Delete
  2. අනූවෙ දශකයෙ මුල් කාලේ මූ ලිව්ව ලිපිවල අකුරු රෑට ඇවිල්ල මුගේ හුස්ම හිර කරයි කියල බය හිතෙන්නෙ නැද්ද දන්නෙ නැහැ.

    ReplyDelete
  3. බල්ලෝ කොටියාගෙ බෝම්බෙකට අහුවෙලා තෝ මැරිලා ගියේ නැත්තේ මොකද කියල හිතෙනවා

    ReplyDelete
  4. දෙමළ නාසිවාදී කොටි කිරි දරුවො මරපු බස් පුපුරවපු ම්ලේච්ඡයන්.උන්ගෙ ම්ලේච්ඡත්වය හමුවේ සිල් අරන් හරියන්නෙ නෑ.කොටින් ගැන වීර කාව්‍ය රචනා කරපු අය අද අඩනවා.අඩපල්ලා උඹලා ඇඩුවෙ ණැත්නම් අඩන්න වෙන්නෙ රටටමයි

    ReplyDelete