A day without laughter is a day wasted - Charlie Chaplin

_______________________________________________________________________________________

අසරණකම, බිය සහ හීලෑව


 “මැරිච්ච එකා මළා ඉතුරු වෙලා ඉන්න අපි ජීවත් වෙන්න ඕනැනේ. ඒ මත්තෙ නැහිල වැඩක් තියෙනවැයි“ එහෙමත් නැත්තම් “උන් මැරුණෙ වතුරට... මේ ප්‍රශ්නයවත් අපි ජනාධිපති තුමාට කියල විසඳගන්න ඕනෙ“ වැනි වදන් පිට වෙන්න ඇත්තේ අසරණ කමටය.

“ ආණ්ඩුවත් එක්ක හැප්පෙන්න පුළුවන්යැ“ එහෙමත් නැත්තම් “රටේ ජනාධිපති එන්න කිව්වහම නොගිහින්  කළු ගලේ ඔළුව ගහගන්නද“ වැනි වදන් පිට වෙන්න ඇත්තේ තියෙන බයටය.

“ජනාධිපති තුමා දන්නෙ වත් නැතුව ඇති අසමජ්ජාති ආමි කාරයෝ කරපු දේවල් වලට එතුමා මක් කරන්නද“ එහෙමත් නැත්තම් “කවුරු නැතත් අපේ ජනාධිපති තුමා ට අපි ගැන කැක්කුමක් තියෙනවා... අපට වන්දි දීලා.. අපේ ප්‍රශ්නෙ විසඳලත් දෙයි“ යනුවෙන් පවසන්නේ හීලෑවටය.

අසරණ කම හා බිය කෙසේ වෙතත් හීලෑව ඇතිවන්නේ නොදන්නා කම හා මෝඩ කමත් සමඟය.

ඔවුන් නොදන්නේ මේ රාජ්‍යයේ ස්වභාවයයි. ඔවුන් නොදන්නේ මහින්ද රාජපක්ෂ යනු රටේ සේනාධිනායක සහ ඔහුගේ සහෝදර ගෝඨාභය රාජපක්ෂ යනු ඔහු යටතේ පවතින ආරක්ෂක අමාත්‍යංශයේ ලේකම් වරයා බව මෙන්ම ඔවුන්ගේ අණ විධාන නොමැතිව ආරක්ෂා හමුදා අතින් කිසිවක් සිදු නොවිය හැකි බවයි.

ඔවුන් නොදන්නේ කොටින්ට එරෙහිව යුද්ධ කරද්දී ඔවුන්ගේ විධානයේ නායකත්වය අභිමානයෙන් පවසන නමුදු දකුණේ කරන දේශපාලන නොසන්ඩාලකම් වල දී ඔවුන් පට්ට නිශ්ශබ්ද ඇයි දැයි යන්නයි.

ඔවුන් නොදන්නේ සියල්ල මතුපිටින් වසා එම සිදුවීම ආමි එකේ කිහිප දෙනෙකුගේ හිතුවක්කාර වැඩක් දක්වා ඌණනය කර ඔවුන් සියළු දෙනා ජනාධිපති මන්දිරය වෙත රැගෙන විත් වන්දි මුදල් පිරිනමා ඡායාරූප කිහිපයක් දෙස් විදෙස් මාධ්‍යවල පළකර ගැනීමේ මහින්ද රාජපක්ෂගේ මල්වඩම්-මොර්තෙ දේශපාලනයේ ස්වභාවයයි.

මේ අසරණ මිනිසුන් පෙනීසිටි ඡායාරූපය දුටු විට “වෙඩි කෑ උන්ව විකුණගෙන කෑවැයි.....“ කේන්තියක් අපට නොනැඟෙන්නේ මේ සියල්ල නිසාවෙනි. කොහොමටත් මිට මොලවගත් සල්ලි කොල වලින් මේ මිනිසුන් ට සුර සැප විඳින්නට ඔවුන්ගේ දරුවන් විසින් ඉතිරිකර ගිය හිස්තැන තුළ කවදාවත් ඉඩ තිබේදැයි සැක සහිතය. බොහෝ විට සොහොන් කොතකට, බස් හෝල්ට් එකකට නැතිනම් සාංඝික දානයකට වියදම් කර අත පිහ දමා ගන්නට පමණක් සිදුවනු ඇත. එහෙත් රටෙහි පුරවැසියන් වටා ඇති අසරණකම, බිය සහ හීලෑව තමන්ගේ බලය පවත්වා ගැනීම උදෙසා පාවිච්චි කරණ පාලකයෙකු නිර්ලජ්ජිත භාවය බල බලා ඉන්නට සිදුවීමේ කේන්තිය නම් දකුණේ දැනුවත් සිංහලයාට ඉතිරිව ඇත.

අප බලන් සිටියේ එහෙමත් නැතිනම් අපගේ යටි හිතේ බලාපොරොත්තුව වූයේ “තියා ගනිං තොගෙ සල්ලි.. තෝ තමයි යකෝ මිනීමරුවා..“ යනුවෙන් ජනාධිපතිවරයගේ මූණටම පවසන අම්මා කෙනෙකි.... තාත්තා කෙනෙකි... සහෝදරයෙකි.... 

එහෙත් සියල්ල එසේ ම සිදුවන්නේ නැත... ඒ ලංකාවයි.....

එය මහින්ද රාජපක්ෂගේ මල් වඩම්-මොර්තෙ දේශපාලනයේ සාර්ථක්ත්වය යි.

6 comments:

  1. “තියා ගනිං තොගෙ සල්ලි.. තෝ තමයි යකෝ මිනීමරුවා..“ මෙහෙම කියන කෙනෙක්වනම් දන්නේ නැ ....." අනේ අපේ එකා උගේ ඕනෑකමට උ කියලමනේ වෙඩි තියෝගෙන තියෙන්නේ " කියල කියන අයවනම් දෙතුන් දෙනෙක්ව හොයල දුන්නකි

    ReplyDelete
  2. Harima lassana lipiyak!Aththatama lankawe wadi hariyak inne mohanaya una wageyi!Me seratama issellama wagakiwa yuthu aparada karayanta puda puja pawathwanne puduma gawrawayakin.

    ReplyDelete
    Replies
    1. Ballana me missunge thiyena bayadukama, asaranabawa me photo eken penawa Itin wena mona katada?

      Delete
  3. මුං හරක්!

    ReplyDelete
    Replies
    1. Thopida yako unta kanna denne?

      Delete
  4. return balaporoththu wanna

    ReplyDelete