A day without laughter is a day wasted - Charlie Chaplin

_______________________________________________________________________________________

තවත් මැයි මාසෙක පළවෙනිදාව ක්


තවත් මැයි පළමුවෙනිදාවක් උදා වී ඇත.

බංගලාදේශය මෙවර ජාත්‍යන්තර මැයි දිනයට උදාහරණයක් සපයා ඇත්තේ ධනේශවරයේ සූරා කෑමට ඇඟළුම් කම්කරුවන් හාරසීයයකට අධික සංඛ්‍යාවක් ජීවිතය පුද කිරීමෙණි.

එසේම නොවෙතත්, කම්කරු හා සකලවිධ අනෙකුත් මර්දනයන්ට  කුප්‍රකට ලංකාවේ මේ මොහොතේ උදෑසනින් ම බස් හැල්මේ ගම් දනව් කරා ඉගිල්ලෙන්නේ සෙනඟ කොළඹට කැන්දාගෙන ඒමටයි. හවස් යාමය වන විට මුළු කොළඹම නිල් කොළ හා රතෙන් වැසී යනු ඇත.

“ශ්‍රි ලංකා ප්‍රජාතන්ත්‍රවාදී සමාජවාදී ජනරජය“ යන නාමයෙන්ම ලංකාව අමූලික කෙබරයකි. එහි ඇති ප්‍රජාතන්ත්‍රවාදයක් වත් සමාජවාදයක් වත් නැත. වියට්නාමය හැරෙන්නට “සමාජවාදී“ යන්න රටක නමකට ඈඳෙන්නේ ලංකාවට පමණි. 1975 දී ඇමෙරිකාණු යුද්ධයෙන් පසුව වියට්නාමය ට ඒ සඳහා යම් හෝ අයිතියක් ඇති මුත් ලංකාවේ ඒය යොදාගන්නේ ඒ රටෙහි ජනතාව මහ දවාලේ ඇන්දවීමටය. ඉන් එහාට ගොස් ලංකාවේ බලයේ සිටි හා සිටින එජාප ශ්‍රීලනිප සියළුම ධනපති ආණ්ඩු ජාත්‍යන්තර කම්කරු දිනය ද සමරති. එජාපය කොළ පාටින්ද ශ්‍රීලනිප ය නිල් හා පරණ වමට පින්සිද්දවෙන්න රත ලා වට දවටමින් ද එය සමරති. කම්කරු අයිතීන් පාගා දමන හා කම්කරුවන් මරා දමණ ධනපති ආණ්ඩු කම්කරු දිනය සැමරීම හාස්‍යජනක නොවන්නේ අපට ඒ තරමටම එය පුරුදු බැවිනි. රටේ නාමයෙහි සමාජවාදී“ යන්නට අර්ථයක් නැතුවා සේම ධනපති ආණ්ඩු සමරණ කම්කරු දිනයට ද අර්ථයක් නැත. එය හුදෙක්ම බත් පැකට් එකකට අරක්කු ටිකකට කුලියට ගත් ශරීර දහස් ගණනාවක් කොළඹට අරං ඇවිත් සංගීතයට නටවන දේශපාලන පාක්ෂිකයන්ගේ දවසකි.

ජවිපෙ මෙන්ම පෙසප ද මැයි දිනය සමරති. වඩාත් ආකර්ශණීයම මැයි දිනයන් සැමරීමේ ගෞරවය හිමිවන්නේ ඔවුන්ටය. තරුණ ජවය ද හැකියාවද නිර්මාණාත්මක බව ද රැඳුණු පරම්පරාවෙන් රක්ත වර්ණයෙන් බැබලෙන මැයි රැළි හා පෙළපාලි තරඟයක් මෙවර පැවැත්වෙනු ඇත. පෙසප මෙන්ම ජවිපෙද උත්සහ කරන්නේ තම තමන්ගේ ශක්තිය පෙන්වන්නටයි. හැකියාව මෙන්ම ප්‍රමාණාත්මක බව ද වැදගත්ය. ඔළු ගෙඩි සංඛ්‍යාව හීන වේගෙන යන පෙසප මෙවර වැඩි බලයක් දමා තිබෙන්නේ වෙනදා මෙන්ම සරසවි වෙතටය. පුළුවන් තරම් සරසවි සිසු සිසුවියන් සහභාගී කර නොගත්තොත් වැඩේ අනාථය.

ජවිපෙ නමෙහි ඇති බලය නිසාවෙන් ප්‍රමාණාත්මකව වැඩි සෙනඟක් රැගෙන ඒමට තවමත් නොහැකියාවක් නැත. එහෙත් ජවිපෙ පුළුවන් තරම් උත්සහ කරන්නේ පෙසප කූජීත කිරීමටය. ඒ නිසාවෙන් ඔවුන් ද මේවර ඒ සඳහා සියළු බර යොදා ඇත.

ජවිපෙ හා පෙසප ඉහළ නායකත්වයේ ඇති අවස්ථාවාදී දේශපාලනය කෙසේ වුව ඔවුනගේ මේ මැයි රැළි හා පෙළපාලි සඳහා කොළඹට ඇදෙන පහල මට්ටමේ සියල්ලම පැමිණෙන්නේ පිරිපුන් අවංක හැඟිමෙනි. ඔවුන් හැමෝගෙම ප්‍රාර්ථනාව වන්නේ වඩා සුබවාදී හෙට දවසකි. තම දූ දරුවන් වෙත පැහැබැර හෙට දවසකි. කම්කරු අයිතීන් කෙසේ වෙතත් ඒ බලාපොරොත්තුවේ හැඟීම ඔවුන් වෙත ඇත.

කවදා හෝ දිනෙක මාක්ස්-ලෙනින්වාදී දෘශ්ටියක් සහිත, අවස්ථාවාදී නොවන නිවරැදි දේශපාලන අරගලයක් ඇතුලත පෙරගමන් කරුවන් වීමට සිටින දැවැන්ත, රතු කොඩි යටින් ඇදෙන මේ පරපුර කවදත් දනවන්නේ ආශ්වාදනීයජනක හැඟීමකි.

2 comments:

  1. ජවිපෙ හා පෙසප ඉහළ නායකත්වයේ ඇති අවස්ථාවාදී දේශපාලනය කෙසේ වුව ඔවුනගේ මේ මැයි රැළි හා පෙළපාලි සඳහා කොළඹට ඇදෙන පහල මට්ටමේ සියල්ලම පැමිණෙන්නේ පිරිපුන් අවංක හැඟිමෙනි. Are you sure or are you kidding?

    ReplyDelete
  2. I also think that most of the followers of those parties (not only JVP and FSP) are honestly believe that their attempts are effective. They are not provided with lunch packs or dinner (even not the bus fare, I assume)

    ReplyDelete