A day without laughter is a day wasted - Charlie Chaplin

_______________________________________________________________________________________

තව ඕනෙ අයියා තව ඕනේ.....


ආරක්‍ෂක හා නාගරික සංවර්ධන අමාත්‍යාංශයට මේ වසරේ මුළු අයවැය වියදමෙන් හතරෙන් එකක් වෙන් කර ඇති බැව් රාවයේ කතුවැකියේ ‘බනියි ද දන්නෙ නැහැ‘ න්‍යායයෙන් වික්ටර් අයිවන් මතුකර තිබුණි. යුද්දය ඉවරය. එල්ටීටීය අතුගා හමාරය. උතුරට වසන්තය උදා වී ඇත. එ‍හෙනං මේ සල්ලි අහවල් කෙංගෙඩියකට දැයි මොකෙක්වත් නොඅසන්නේ ඒවා රාජපක්ෂලාගේ රට පාලනයේ මහන්සියට අතමාරුව බව සියල්ලෝම දන්නා බැවිනි.

පහතින් දැක්වෙන්නේ පසුගිය අවුරුදු කිහිපයේ අයවැයෙන් රටේ ආරක්ෂාව වෙනුවෙන් වෙන්කළ මුදල් ප්‍රමාණයන්ය.

2009    රුපියල් 177, 100, 000, 000.00
2010    රුපියල් 202, 000, 000, 000.00
2011    රුපියල් 215, 000, 000, 000.00
2012    රුපියල් 230, 000, 000, 000.00
2013    රුපියල් 289, 000, 000, 000.00

එම කතුවැකියට අනුව, 

“2013 වසර සඳහා ආණ්ඩුවේ මුළු වියදම ලෙස ඇස්තමේන්තු කර ඇත්තේ රුපියල් බිලියන 1189කි. එයින් ආරක්‍ෂක හා නාගරික සංවර්ධන අමාත්‍යාංශයට වැඩිම මුදල් ප‍්‍රමාණය වෙන්කර තිබේ. එම මුදල රුපියල් බිලියන 289කි. එය රජයේ මුළු වාර්ෂික වියදමෙන් හතරෙන් එකකට ඉතාම ආසන්නය. හෙවත් සියයට 24.3කි. 2012 වසරට වඩා රුපියල් බිලියන 60ක පමණ මුදලක් එම අමාත්‍යාංශය සඳහා මේ වසරේ වෙන්කොට තිබේ. මේ අනුව ආරක්‍ෂක අමාත්‍යාංශය පවත්වාගැනීම සඳහා ලංකාවේ පුරවැසියකුට සාමාන්‍යයෙන් වසරකට රුපියල් 28,900ක පමණ බරපැනක් දරන්නට සිදුවෙයි“ 

යුද්දයක් නැතිව රටේ ආරක්ෂාවට වැය කරන මුදල වසරින් වසර අයියා මලෝ ඉහල නංවා ගන්නා අයුරු හරිම ෂෝක්ය. 


ඒ වගත් මෙසේම....

ලබන වසරේ සිට බල්ලන් ඇතුළු අනෙක් සුරතල් සතුන් වෙනුවෙන් ද ජනතාවගෙන් බද්දක් අය කිරීමට කළුතර නගර සභාව පසුගියදා තීරණය තිබුණි. සාදු කියන්න.... අපි ඉතිං ආසියාවේ ආශ්චර්යය වෙත ලඟා වෙමින් සිටිමු.

ගමේ ගෙදරක ට සෙනෙහෙ පපා හිටි
බලු කුක්කට මොන බදු ද අනේ
තනේ තිබෙන කිරි ටිකටත් බද්දක්
ගෙවන්න වේවි ද නුදුරු දිනේ

1 comment:

  1. හරියට හරි, රජ පවුල මහා ජනතාවගෙන් ආරක්ෂා කිරීමට මේ මුදලවත් ප්‍රමාණවත් නොවේවි. අධ්‍යාපනයට වෙන් කරන මුදල සම්පුර්ණයෙන් කපලා එකත් දමා ගන්න අයියේ!

    ReplyDelete