A day without laughter is a day wasted - Charlie Chaplin

_______________________________________________________________________________________

උගේ රට හා උගේ ජනතාව

                                                                                                                                          Lakbima News

තමන්ගේ උපන්දිනයට අනුන්ට සුබ පතා නිවේදන නිකුත් කරන පුද්ගලයෙකු සිටියහොත් ඒ ලංකාවේ ජනාධිපතිවරයාය. මගේ රටේ සහ මගේ ජනතාවගේ පැතුම් සඵලවේවා යි ජනාධිපති මහින්ද රාජපක්ෂ ප‍්‍රාර්ථනා කෙරුවේය.

සෙනසුරා මාරුවෙන තෙක් බලා ඉඳ අය වැය ඉදිරිපත් කරන්න ජනතා නියෝජිතයින් ඉන්න පාර්ලිමේන්තුවට ගොස් ..........අඩෝ දඟලන්න එපා ඩෝ......වැඩිය දැඟලුවොත් මේක විසිරෝනවා.....තග දාන්නේ ත් ලංකාවේ ජනාධිපතිවරයාය. තමන්ගේ සෙට් එකේ ඉන්න මැර සිල්වා ලව්වා ජනතා නියෝජිතයින්යැයි කියන උන්ට නෙළුවේය.

උගේ රටේ සහ උගේ ජනතාවගේ මේ දවස්වල පැතුම්:

ෆොන්සේකා ට මදියි නොකියන්න මහ උළුගෙදර ටම යැවීම
දෙමළාට හැමපැත්තකින්ම කෙළවීම
කැමති කැමති පෞද්ගලික සමාගම් රාජපක්ෂයට පවරා ගැනීම‍
කැමති කැමති ආයතන ඉඩකඩම් පිටරට කොම්පැනිවලට විකිණිම. රාජපක්ෂලා තරවීම
වෛද්‍ය උපාධිය සල්ලිවලට දීම. නීති උපාධිය හොරට ගැනීම
දුමින්ද සිල්වා උපාසක මහතා ට නිදුක් නීරෝගී සුවය පැතීම
කුණුහරුප නෙමේ නිවුස් වෙබ් සයිටුත් ප්‍රොක්සි හරහා බැලීම
එකා දෙන්නා ඉස්සීම - අතුරුදහන් කිරීම

මේ දවස්වල උගේ ජනතාව:

සුනිල් මිහිඳුකුල
ගීතා කුමාරසිංහ
නීටා ප්‍රනාන්දු
බුද්ධදාස විතානආරච්චි
සුනිල් අරුණ වීරසිරි
අමරසිරි කලංසූරිය
සේමිණි ඉද්දමල්ගොඩ
රවීන්ද්‍ර රන්දෙණිය
පේ‍්‍රම් දිසානායක
දයාරත්න රටගෙදර
ජනිත මාරසිංහ
සබීතා පෙරේරා
සුදත් රෝහණ
සහන් විජේසිංහ
මනීෂා නාමල්ගම
ජැක්සන් ඇන්තනි
රේණුකා බාලසූරිය
කුමාර් කොතලාවල
උපුල් ජයසිංහ
ක්ලීටස් මෙන්ඩිස්
ලතා වල්පොල
එඩ්වඩ් ජයකොඩි
සේනක විජේසිංහ
උපුල් ශාන්ත සන්නස්ගල
රෝහණ වීරසිංහ
ශ්‍රියන්ත මෙන්ඩිස්
පාලිත සිල්වා
ජී. ආර්. පෙරේරා
මඩුළුගිරියේ විජේරත්න
සනත් ගුණතිලක
ජයන්ත චන්ද්‍රසිරි
චිත්‍රා බාලසූරිය
අමිත්ත වීරසිංහ
අර්ජුන් කමලනාත්
මාලිනී ෆොන්සේකා
ධම්ම දිසානායක
සුනන්ද මහේන්ද්‍ර
ජයසේන කෝට්ටේගොඩ
රංජිත් බණ්ඩාර
කාලෝ ෆොන්සේකා
ගාමිණී සමරනායක
කුඹුරුගමුවේ වජිර හිමි
කුසුමා කරුණාරත්න
ගෝමින් දයස් ශ්‍රී
කරුණාදාස සූරියආරච්චි
ගාමිණී සුමනසේකර

සුනිල් මාධව තවමත් ආදරේ කරන සිළුමිණ කඩදාසියේ අනුග්‍රහයෙන්. 

වයලීනය රැගත් දරුවා


වයලීනය රැගත් දරුවා ‍සෙවීමේ බීබීසී සිංහල සේවයේ ප්‍රියත් ලියනගේ ගේ වාර්තාමය වැඩසටහනක් බීබීසියේ තිබුණා. වයලිනය රැගත් දරුවා  සොයා ගැනීමට නොහකි වුවත් එය හරි අපුරු ‍කෙටි වාර්තාවක්.  පසුගිය අගෝස්තු මාස‍යේ දී වව්නියා දිස්ත්‍රික් ලේකම් පී එම් එස් චාල්ස් මහත්මිය සඳහන් කරපු ආකාරයට හතරවන් ඊළාම් යුද්ධයේ අවසාන භාගයේදී දරුවන් අතුරුදහන්ව ඇති බවට වාර්තා වී ඇති සංඛ්‍යාව පමණක් එක් දහස් අටසීයක්.



වැඩිහිටියන් අත්‍යාවශ්‍ය දේවල් රැගෙන යන විට දරුවන් අරන් යන්‍‍නෙ ඔවුන්ට වටිනාම ‍දේවල්. වයලීනයක් අත ‍නොහැරපු  දරුවෙක් !! 

මේ දරුවා ‍කොහේ හෝ සිටීවා යන්න අපේත් ප්‍රාර්ථනාවයි.

ගහලයෝ

ඉහත ඡායාරූප දෙකේ සිටින්නේ ලංකාවේ සිටි නි‍යෝජ්‍ය ආරක්ෂක ඇමති වර‍යෙක් හා දැනට සිටින ආරක්ෂක ලේකමි වරයායි. 1988-1989 කාලයේ එක්සත් ජාතික පක්ෂ ආණඩුවේ නි‍යෝජ්‍ය ආරක්ෂක ඇමති වර‍යෙකුව සිටි රන්ජන් විජේරත්න යටතේ ශ්‍රී ලංකා ත්‍රිවිධ හමුදා හා පොලීසිය විසින් ජනතා විමුක්ති පෙරමුණේ නායකත්වය ද ඇතුළුව හැට දාහකට වැඩි පිරිසක් ඝාකනය කළ අතර 2008-2009 කාලයේ වර්තමාන ආරක්ෂක ලේකම් වරයා වන ගෝඪාභය රාජපක්ෂ යටතේ  ශ්‍රී ලංකා ත්‍රිවිධ හමුදා හා පොලීසිය විසින් කොටි සංවිධානයේ නායකත්වය ද ඇතුළුව ලක්ෂයකට ආසන්න පිරිසක් ඝාතනය කරණ ලදි.


රෝහන විජේවීර ඝාතනය සියැසින් දුටු ඉන්ද්‍රානන්ද ද සිල්වා නමැති ජවි (විමතික)පෙ සාමාජිකයා (එවකට යුධ හමුදාවේ ඡායාරුප ශිල්පියා) පසුගිය ඉරිදා දිවයින පත්තරයෙ සිය කතාව අනුවේදනීය අන්දමින් පවසා තිබුණි.


මෙතරම් සාක්ෂි තිබියදීත් ඒදවස්වල ගොළු වත රකිමින් සිටි ඉන්ද්‍රානන්ද මෙන්ම ජවිපෙද මේ දක්වාම එම චූදිතයින්ට එරෙහිව මොනයම් හෝ චෝදනාවක් එල්ල කර නැත. ඒ වෙනුවෙන් ඔවුන් කළේ උතුරේ සමූල ඝාතනයක් සිදුවන විට එම ශ්‍රී ලංකා ත්‍රිවිධ හමුදාවට හා පොලීසියට රණවිරු නමින් වන්දනාමාන කිරීමයි.

ඉන්ද්‍රානන්ද ලා මේ කරන්නේ තම කණ්ඩායමට ඔලු ගෙඩි එකතු කිරීමට 88-89 ඛේදවාචකයේ ඉතුරු වෙලා තියෙන දුක සෝසුම් හා අනුකම්පාව විකිණිමයි. ඉල් විරු සමරුවේදී චමීර කොස්වත්ත මුදලාලිත් සෑහෙන ටිකක් වික්කේය.

පසුගිය ජවි (විමතික)පෙ ඉල් විරු සමරුවේදී චමීර කොස්වත්ත තමනගේ පක්ෂ සාමාජිකයින්ව 1988-1989 කාලයේ එම කෲර වධ දී ඝාතනය කළ අන්දම ඇසින් දුටුවා සේ විස්තර කරන විට ”ශ්‍රී ලංකා ත්‍රිවිධ හමුදාවට හා පොලීසිය” යන වචන භාවිතා නොකර “ගහලයා” යන පොදු වචනය පමණක් භාවිතා කිරීමට පරිස්සම් වීම හාස්‍යයට කරුණකි.

“අපිට චෝදනා කරණ අය එදා එදා ඒවාට අත ඉස්සුවා” යනුවෙන් ජවිපෙ බිමල් රත්නායක පවසා ඇත්තේ (මේ බලහල්ලකෝ ....දැං අපිට විතරක බනිනවා) සංධාන ආණඩු හැදීමට හා ශ්‍රී ලංකා ත්‍රිවිධ හමුදාවට හා පොලීසියට රණවිරු නමින් අබිසෙස් කිරීමට ඊයේ පටන් වාමාංශික වෙන්න හදන ජවි (විමතික)පෙ කුමාරලාගේ ඕපාතලාගේ දක්ෂිණාංශික බව හා දේශපාලනයේ අවස්ථාවාදයයි.

විරු සමරු රේස්


ඉල් මහ විරු සමරුව අදයි. විජේවීරට පොර කකා පෝස්ටර් ඉරා ගුටි ඇන ගෙන ඔලුගෙඩි එකතු කිරීමේ විරු සමරු සෝ-ජවිපෙ හා කු-ජවිපෙ විසින් තරඟයට පවත්වන ලදි. වැඩි ඔලු සහිත ජයග්‍රාහකයෝ කවුරුදැයි තවමත් ආරංචියක් නොමැත.

නොවැම්බර් විරුසමරුව විජේවීරයන් ට පමණක් වීම අභාග්‍යයකි. ජවිපෙ පොළොවේ හිටුවීමට විජේවීර සහෝදරයාගේ නායකත්වය ප්‍රමුඛ වුවද 89 අරගලය දක්වා එය ප්‍රබල වීමට හා සවි ශක්තිය නැංවීමට කැපවුණු දිවි නොතකා සටන් වැදුණු අවංක සහොදරයන් දහස් ගනණක් වූහ. පසුගිය වන්නි යුද්ධයේදී සෝ-ජවිපෙ හා කු-ජවිපෙන්  “රණවිරු”  නමින් අබිසෙස් ලැබූ ම්ලේච්ච හමුදාවක අතින් ගමණායක සහෝදරයාද ඇතුළුව එම අරගලය තුළම මරා දැමූ ලෝකයට ආදරය කළ එම මිනිසුන් විජේවීර වටා ගොණුකරණ රශ්මි කදම්භය නිසා අමතකව ගොස් ඇත. මැකී ගොස් ඇත.

විජේවීර සහෝදරයාගේ නායකත්වය විශේෂ නමුදු ජවිපෙ සැකිල්ල ගමක් ගමක් ගානේ ගොඩ නැංවීමට ගමණායක සහෝදරයාගේ නායකත්වයේ දක්ෂතාවය සුවිශේෂ බව ජවිපෙ කේඩරයෝ හිස නමා අනුමත කරති. රූපවාහිනියේ අවසන් වරට දුටු විජේවීරගේ රූපයට හඬට වඩා අන්තිම මොහෙතේ වචනයක්වත් පිට නොකර ගහලයන් අතින් වධ විඳ මැරුම් කෑ ගමණායක සහෝදරයා මසිතෙහි තැන්පත්ව ඇත්තේ ඉහළිනි. විප්ලවීය පක්ෂයකට අවැසි පන්නරය කැපවීම අවංක බව එකතු කළ යුත්තේ ගමණායක සහෝදරයා තුලිනි. අරගලයක පාවා නොදුන් එවන් උස් මිණිසුන් තුලිනි.

විජේවීර යනු වන්දනාමාන කළයුතු හෝ ඇදහිය යුතු පීලිමයක් නොවන බව කු-ජවිපෙ චමීර කොස්වත්ත සඳහන් කළ බවක් කොහේ හෝ තිබුණා. ඒත් ඔවුන් ද ඇතුළුව ජවිපෙ දෙපාර්ශවය සිදුකරන්නේ එයම බව හොඳින්ම පෙනේ. එහෙම නෙමැතිව විජේවීර අළුතින් කියවීමක්වත් ඔහුගේ වැරදි නිවරැදි කරණ අළුත් දේශපාලනයක් වත් දෙපාර්ශවයෙන් ම පෙනෙන්නට නැත.

එදා කුමාරලා ඕපාතලා ගහලයන්ව“රණවිරු”  නමින් අබිසෙස් කිරීම පාහර කමකි.  මෙදා ඔවුහු දේශපාලයේ අනාථ වෙනකම් සිට අසූනවය නැවත කියවීම අවස්ථාවාදයකි. 

මේ සටහන අසු අට අසූ නවය අරගලයේ දි ආණ්ඩුවේ හමුදාව විසින මරා දැමූ හැට දහසක් සෝයුරු සෝයුරියන් වෙනුවෙනි.


මම නොදන්න මගේ අවුල

අහක ඉන්න හාල් පාරුවන්ව පොර කරන්න එපා බං කියලා අපේ මිත්‍රයෙක් හැමදාමත් බනිනවා. විමලය වගේ එවුන්ට අසූචි වලින් ගැහුවොත් ගඳ හින්ද ජනප්‍රිය වෙන්න ඌ බලන්නෙ. ඒත් හත් දෙයියනේ මේ වගේ කවියක් හම්බවුනාම නොදා ඉන්නෙ කොහොමද?


ජනතාවට පස්ස ‍පෙන්නී‍‍මේ විලාසිතාව



ඇසින් දුටු සාක්ෂි තිබියදී භාරත ප්‍රේමචන්ද්‍ර ඝාතනය‍‍ට දුමින්ද සිල්වා සැකකරුවෙකු නොවන බවට ප්‍රකාශයට පත් කිරීමේ අළුත්ම ගොට්ටා නීතිඥ නිමල් සිරිපාලද සිල්වායි. ඔහු මේ බව පවසා ඇත්තේ පාර්ලිමේන්තුවේදීය. අනිත් අය අපට කෙළින්ම පස්ස පෙන්නද්දී, ගෑනු කෙළියකට යට කළිසම පිටින් පාරෙ දිව්ව නිමල් සිරිපාල ඔහුගේ පස්ස පෙන්නුවේ පාර්ලිමේන්තුව හරහාය.


තව මදි.......තව මදී...................අපි පස්සවල් බලා සිනාසෙමු. කුඩු-පාතාල-සල්ලාල-මිනීමරු දුමින්ද සිල්වාලාට බෝධි පූජා තියමු. නැත්තම් රාජපක්ෂලා තරහාවෙයි.

ප.ලි: භාරත ප්‍රේමචන්ද්‍ර ඝාතනය‍‍ට ප්‍රධාන සැකකාර පාතාල සාමාජික තත්පර කට්ටා ඊයේ සිට අතුරුදහන්ව ඇත.

අසාර්ථක ඒවා



ආචාර්ය පදවියකින් පිදුම්ලත්තෙක් ඩී.ඒ රාජපක්ෂ (මොකාද ඒ..... ආ ඒ මහින්ද රාජපක්ෂගේ තාත්තා)  පිළිරුවට කුරහන් සාටකය දැමීමට තෝරා ගැනීම පිළිබඳව ආචාර්ය පදවි නැති ශ්‍රී ලංකා නිදහස් පක්ෂයේ මැති ඇමතිවරු දැඩි කේන්තියකින් සිටින බව වාර්තා විය. මහින්ද රාජපක්ෂගේ කැමැත්තෙන් එලෙස එම කටයුත්ත සඳහා තෝරාගෙන තිබුනේ ආචාර්ය මර්වින් සිල්වා මැතිඳුන්වයි. මට මේ කේන්ති ගත් ඇමතිවරුන්‍ ගෙන් අහන්න තියෙන්නේ සඳහා එම ගරු ඇමති තුමා ඇරෙන්න ඔය වැඩේට වෙන පාතාල නායකයෙක් ගේන්නද, කුඩු බිස්නස්කාරයෙක් ගේන්නද, මෝඩ චන්ඩියෙක් ගේන්නද, කට වාචාලයෙක් ගේන්නද, මංකොල්ල කාරයෙක් ගේන්නද එහෙමත් නැත්තම් බණ්ඩාරණායක පවුලට ඉන්නකම් පක්කලිකම් කරපු කෙනෙක් ගේන්නද? හුහ්...

ඒ කොහෙම වෙතත් මෙන්න ප්‍රවෘත්ති.......ප්‍රකාශය හඩ්ඩන් ඩමරටිංහ..

අසාර්ථකව පවතින ශ්‍රී ලංකාවේ අග්‍රාමාත්‍ය ධූරය වහාම ක්‍රියාත්මක වන පරිදි ආරක්ෂක අමාත්‍යාංශයට පවරාගැනීම යන බව ආචාර්ය මර්වින් සිල්වා ඇමති තුමා පාත්තවත්තෙ ප්‍රේමාට පවසා ඇති බවක් වාර්තා වේ. මෙලෙස පවරාගත් පසු අගමැති තනතුරේ කටයුතු ආරක්ෂක ලේකම් වරයා විසින් සිදුකරණ බව ඔහු තවදුරටත් පවසා ඇත. ලාංකීය ව්‍යාපාර (සිය රටදේ සිරි සැපදේ) වලට අමතරව තවත් පහත සදහන් අසාර්ථක ස්ථාන රජයට පවරා ගැනීම පිණිස පනත් රැගෙන ඒමට තමා වැඩිදුරටත් ජනාධිපති වරයාට හා ඔහුගේ සහෝදරයන් තුන්දෙනාට හා පුතුන් තුන්දෙනාට උපදෙස් දුන්බව පාත්තවත්තෙ ප්‍රේමාට පවසා ඇත්තේ හරකෙක් නිදහස් කරණ අතර තුරේදීය. රජයට පවරා ගැනීමට නියමිතව ඇත්තේ:

අසාර්ථක දේශපාලන පක්ෂ (ඇති‍වාම-අතිවාම-කතිවාම හෝ වාමාංශික නොවන)

අසාර්ථක පවුල් (බිරින්දෑවරුන් පමණයි)

අසාර්ථක ඉඩම් (පදිංචියේ හෝ වගාකර නැති)

අසාර්ථක හරක් (දැනට රජ‍යට සමිබන්ද හරක් සඳහා නීත්‍යනුකූලබවක් දීමට)

අසාර්ථක මාධ්‍ය හා ගණිකා මඩම් (මාධ්‍යවේදීන් අවශ්‍ය නැත‍. ගණිකාවන් පමණයි)

අසාර්ථක පන්සල් (ඉඩම් හා හාමුදුරුවරු.... දන්නවනේ ඔක්කකොම නෙමෙයි)

අසාර්ථක මරණ (මළෙත් නැති නොමළෙත් නැති දුමින්ද සිල්වා වගේ අය)

මෙලෙස පවරා ගැනීමෙන් පසු දැනට රජය සතුව පවතින අසාර්ථක සෞඛ්‍ය සේවය හා අධ්‍යාපන සේවය සාර්ථක කරගැනීම සඳහා පෞදගලික කරණය කිරීමට උපදෙස් දී ඇත්තේ ලෝක බැංකුව නොව ආචාර්ය මර්වින් සිල්වා වන මම බව පවසන විට පාත්තවත්තෙ ප්‍රේමා‍ සුසුමක් හෙළා ඇ‍ඳෙන් නැගිට ගොස් ඇත.

ස්වල්ප වේලාවකින් ආචාර්ය මර්වින් සිල්වා මහතා කිසිවක් අසාර්ථක නැති බව පෙන්වීමට මෙන් පපුව ඉස්සරහට දමා පිටිදූවේ සිරිධම්ම හිමියන් බැහැදැකීම සඳහා සරම ගසා දමමමින් එතනින් පිටත්ව ඇත.

ටිං ටිං ටිං


Desperate Housewives


Desperate Housewives යනු ඒබීසී නම් වූ ඇමෙරිකාණු රූපවහානි චැනලයේ කොටස් වශයෙන් විකාශය වන ටෙලියකි.  තමන්ගේ දුක ද, පීඩාව ද, කළකිරීම ද, වැරැද් ද ටෙලි චරිත හා සංසන්දනය කිරීමෙන් ගෙදර සාලයේ දී ම සමනය හා සාධාරණිකරණය  කිරීමට හැකි නිසා එය බොහෝ කාන්තාවන් අතර ජනප්‍රිය ටෙලි චිත්‍රපටයකි. ලංකාවේ ද මෙවැනි ටෙලි නාට්‍යයක් “භාර්යාවෝ” නමින් රූ ගත කිරීමි මෙ දිනවල සිදුවේ. මෙහි තිර කතාව හා තේමා ගීතය ශෂි වීරවංශ මහත්මියගේය (ලබන වසරේ සුමති ටෙලි සම්මාන උළෙලේ දී හොඳම ටෙලි නාට්‍යය තිර රචනය හා ගීත රචනය සඳහා ඇයට සම්මාන හිමි වීමට නියමිතය).

මේ ඈ සමඟ ලූප්හෝල්ස් දුරකනය මඟින් කළ සාකච්චාවකි.

ලූප්හෝල්ස්: ඇයි ඔබට මෙහෙම නිර්මාණයක් කරන්න හිතුනේ.

ශෂි: දැං මෙහෙමනේ. උදාහරණයක් වශයෙන් අපේ ෆැමිලි එක අරගත්තොත් අපි තරමි ආදරයෙන් සමගියෙන් කිසිම ආරවුලක් නැතිව ඉන්න ෆැමිලි එකක් තවත් නැතිව ඇති. ඒත් අපිට ඉන්න දෙන්නෙ නැත්තෙ වෙබ් සයිට් කාරයෝ.... පත්තර කාරයෝ තමයි ...මම මේ ලූප්හෝල්ස් ගැන නෙමේ කියන්නේ... මේ ලඟදිත් අපේ ගරු වීරවංශ ඇමති තුමා තරුණ කාන්තාවන් දෙදෙනෙක් සමඟ හෝටල් කාමරයක සිටිය බවත් ලක්ෂ ගානක මුදලක් පගාවක් වශයෙන් ගත්ත බවකුත් සඳහන් වුනා. භාර්යාවන් වශයෙන් අපිට එතකොට හරියට හිත රිදෙනවා. අපි දන්නවනේ අපේ ස්වාමිපුරුෂයන් කොච්චර ගුණගරුකද අහිංසකද කියලා. මේ ඛේදවාචකය අපේ ගරු ජනාධිපතිතුමාගේ ඉඳලා කෙහෙලිය ඇමති තුමා, රෝහිත බෝගොල්ලාගම ඇමති තුමා, ජොන්ස්ටන් ඇමති තුමා, නිමල් සිරිපාල ඇමති තුමා , මර්වින් සිල්වා ඇමති තුමා ඔය හැමෝටම තියෙනවා. බලන්න කොච්චර හොඳ මිනිස්සුද? ඉතිං මට හිතුණා භාර්යාවන් වශයෙන් අපිට සිදුවෙලා තියෙන මේ කනගාටු තත්වය හෙළි දරව් කරන්න ටෙලි නාට්‍යයක් කරන්න.

ලූප්හෝල්ස්: කලාවට ඔබගේ ඇති සම්බන්ධය කොහොම එකක් ද?

ශෂි: මමත් මගේ මහත්තයත් පරම්පරාවෙන්ම කලා කරුවන්. ගරු වීරවංශඇමති තුමා හොඳ නළුවෙක් මාරන්තික උපවාසයකරුවෙක් විදිහට රඟපාල එයා සම්මානත් ගත්තා. මගේ මහත්තයා මේ කාල වකවාණුවෙ නම් රූකඩ කලාවට සම්බන්ධවෙලා ඉන්නේ. මහින්ද රාජපක්ෂ රූකඩ කණ්ඩායමේ ගරු වීරවංශ ඇමති තුමා තමයි හොඳම රූකඩය. මර්වින් සිල්වා ඇමතිතුමා සමඟ කරට කර...චම්..

ලූප්හෝල්ස්: මට පොඩ්ඩක් ඇහෙනවා මදි ශෂි මහත්මිය. මොකක්ද ඔය පිටිපස්සනේ ඇහෙන ගෝරනාඩුව.. මම පස්සෙ කතා කරන්නද?

ශෂි: ආ ඒ අපේ ගරු වීරවංශ ඇමති තුමා පාර්ලිමේන්තුවට පිටත් වෙන්න කලියෙන් නාථ දෙයියන්ට යාඥා කරනවා. පොඩ්ඩක් ස‍ද්දෙට තමයි එයා කරන්නේ..කමක් නෑ කියන්න... කියන්න..

ලූප්හෝල්ස්: ඹබ මේ මගින් මේ රටේ ජනප්‍රිය චරිත ඒ ලෙසින්ම ටෙලි නාට්‍යයට යොදාගෙන තියෙනවද?

ශෂි: අපෝ නැහැ... නැහැ...මම මේ මඟින් කතා කර....

ලූප්හෝල්ස්: මට ආයෙත් ඇහෙන්නෙ නෑ පොඩ්ඩක් හයියෙන් කි....

ශෂි: පොඩ්ඩක් ඉන්න මහත්තයා.... (ඈතින් ඇසේ) ඕයි.... ඕක පොඩ්ඩක් හෙමින් යාඥා කරනවකො ඕයි තව්තිසා දිව්‍ය ලෝකයටම ඇහෙන්න කෑ ගහන්නෙ.. දෙයියන්ගෙ හාල් කැවිලද? මං මේ ලූප්හෝල්ස් එකත් එක්ක ඉන්ටවීව් එකක් කියල පේන්නෙ නැද්ද? බූරුවා......

මම දුරකථනය විසංදි කළෙමි.




විමතික ස‍හෝදරවරුන්


ජවිපෙ කුමාර පාර්ශවය ස්වයං නිර්ණය අයිතිය පිළිගන්නා බවක් මහාචාර්ය සුචරිත ගම්ලත් මහතා පසුගියදා රාවය පුවත් පතට  පවසා තිබුණි. පසුගිය ඕපාත-පුබුදු-චමීර කතන්දර ඇසූවිට මේක ආවෙ ‍කොහෙන්දැයි ලූප්හෝල්ස් දිව විකා‍ගෙන හෙව්වේය. ෂුවර් එකකටම මහාචාර්ය වරයාව කුමාර පාර්ශව‍යේ කිසිවෙක් අන්දවා ඇත. මොකද ස්වයං නිර්ණය අයිතිය පිළිගන්නා බව සඳහන් නොකර මහාචාර්ය වරයා වෙත යා නොහැකි බැවිනි. කොහොම නමුත් මේ සතියේ රාවය පත්තරය තුළින් මහාචාර්ය වරයා සියල්ල නිවරැදි කර ඇත. ඊට අමතරව වම ගැන පීඩිත පංතිය ගැන කතා කරන හැම ‍දෙනාම කියවිය යුතු අපූරු ලිපියකි (ටිකක් දිග ලිපියක්).

‍දෙමළ විශ්‍රාම වැටුප


දෙමළා‍ගේ අන්තිම ලේ බිංදුවත් උරා ‍බොන තෙක් සිංහල රාජ්‍යයට නින්ද යන්‍‍නේ නැත. මාස කීපයක් ඇතුළත ලක්ෂයක් මරා දැමී‍මෙන් නොනැවතුනු ඔවුහු ‍‍දෙමළ ජාතිකයන් සතු දේපළ ඉඩකඩම් ඇති පදම් කොල්ල කෑහ. මීනීමැරුම්,  ස්ත්‍රී දූෂණ,  හොර මැරකම් හැම එකකටම ‍නොඅඩුව ඔවුහු ගොදුරු වූහ. පිළිම, ‍සො‍හොන් කොත් වලින් පවා සිංහල මිලිටරි ආණුඩුව පළිගත්හ.  ‍මේ ‍මො‍හොතේ අත තබා ඇත්තේ විදෙස් ගත ‍දෙමළ මිනිසුන්ගේ විශ්‍රාම වැටුපටයි.


තර්කයක් ‍ලෙස ඉදිරිපත් කරන්‍නේ රටට එ‍රෙහිව කටයුතු කරණ, ත්‍රස්තවාදීන් ට උදවි කරණ දෙමළ විශ්‍රාමිකයන්‍ ‍ගේ විශ්‍රාම වැටුප් නවතා දමන බවයි. එවිට ගත් කළ ආණ්ඩුවට ප්‍රසිද්ධියේ ක‍ඩේ යන දෙමළ මිනිසුන් කිහිප ‍දෙනෙකු ගේ හැරුණාම  සියල්ලන්ගේම විශ්‍රාම වැටුප කපා දැමීම ආණඩුවට පහසු‍‍වෙන් සිදු කළ හැක. මක් නිසාද යත් රටට එ‍රෙහිව කටයුතු කිරීම හා ත්‍රස්තවාදීන් ට උදවි කිරීම යන කාරණා සඳහා නිර්ණායකයන් නැති බැවිනි.

දෙමළ මිනිසුන‍්ගේ මේ රාජ්‍ය ‍සේවය ජාති ‍භේදයතින් තොරව ‍බො‍හෝවිට සිංහල දෙමළ දෙපාර්ශවයම ලබා ගෙන ඇත. අප වටා සිටි අපේ අම්මලා තාත්තලා ‍බේරා දුන් දෙමළ දොස්තර මහත් වරුන් ගැන අප අනන්තවත් අසා ඇත. වයස පනස් පහ වන ‍තෙක් රාජ්‍ය සේව‍යේ කැඹුරූ සියල්ලන්ටම ‍දෙමළ සිංහල භාවයකින් තොරව විශ්‍රාම වැටුප සදහා අයිතිය ඇත. සිටින්නේ වි‍දෙස් ගතවද නොමැතිවද යන්න අදාල නො‍වේ.  ඒ මිනිස්සුන්ට එහි වටිනා කමක් ඇතිද නැතිද යන්නවත් අදාළ නොවේ. ‍මේ මුදල් ඒ මිනිසුන්ගේය. එය කොල්ලකෑමට තිසිවෙකුටත් අයිතියක් නැත.

අපි නිශ්ෂබ්දව සිටිමු. මක් නිසාද යත් එයට ද ත්‍රස්තවාදය ගාවා ඇති බැවිනි. තවමත් සිංහලයා ‍‍ගේ විශ්‍රාම වැටුප සුරක්ෂිත බැවිනි.

රාවය


විකල්ප පත්තරකාර‍යෙකුට වෙන්න හැකි අවසානාවන්තම සිදුවීම තමන්ගෙ ලිපියක් ලේක්හවුස් පත්තරයක පළවීමයි. වික්ටර් අයිවන්ට ඒකත් මෑතකදී සිදුවිය. ඔක්කොටම වඩා වික්ටර් අයිවන් වගේ ලේක්හවුස් එකේ සභාපති වෙන්න බලා‍ගෙන හිටිය කෙනෙකුට!!. ඒක නමි වස සවුත්තුව.


ඒ ලිපිය ඕනම නම් ‍මෙතනින් බලන්න

රාවය යනු අපූරු ගණයේ පුවත් පතකි. හරියට ඔළු ‍දෙකේ සත්වයෙක් වැනිය. වික්ටර් අයිවන් බාගය ආණ්ඩුවට කඩේ යනවිට ජනරංජන-විමලනාත් බාගය විකල්ප පත්තර කලාවක් කරගෙන යන්න දඟලයි (අයිවන් රාවයේ සංවත්සරයට මහින්ද රාජපක්ෂ ව ගෙන්නන් හදන බවකුත් ‍කොහේද තිබුණා).  වික්ටර් අයිවන් ආණ්ඩුවේ වෙළඳ දැන්වීම් රාවයට අර‍ගෙන එන කොට (දැන්නම් ඒවාවත් ලැබෙනවා දැයි සැකයි) ජනරංජන පත්තර විකිනෙන්න හිතාගෙන ලියයි. ලියන්‍නන් සොයයි. වික්ටර් අයිවන් ඒ අස්සේ මොනවා‍දෝ පිටුවක් දෙකක් පත්තරයට ලියයි.  කතුවැකියක් කියා දෙයකුත් ලියයි. කියවන්නෙ කවුරුදැයි දෙයියෝ දනිති. රාව‍යේ එඩිටෝරියල් එක බැලුවාදැයි කාගෙන් හරි ඇහු‍වොත් ඒ අහන්‍නේ ජනරංජනගේ තීරු ලිපිය ගැන බව කවුරුත් දන්න දෙයකි.  වික්ටර් අයිවන්ගේ එඩිටෝරියල් එක කවුරුත් නොබලන තීරු ලිපියකි.

රාව‍යේ දැං වික්ටර් අයිවන් නොවන බාගයත් වැඩක් ඇති වැඩක් කරනවාදැයි සැක හිතෙන්නේ පත්ත‍රේ දැං තියෙන දේවල් අනුවය. සම්ප්‍රදායික ආණ්ඩු විරෝධය හා එදිනෙදා විරෝධතා කැරළි ගිනි තැබීම් ගැන දෙස් දෙවොල් ඇරුනාම ලාවට ගෑවිලා යන රැඩිකල් බවක් විතරයි එතන තියෙන්‍නෙ (ආයෙමත් මම  මේ කියන්නෙ වික්ටර් අයිවන් බාගෙ ගැන නෙමෙයි). එහෙම නැතුව අඩුම ගා‍නේ මතාවදීමය ‍ගොනුවක් වත් ලංකාවේ නිවරැදි ලිබරල් හෝ වාම දේශපාලනයේ කතිකාවක් වත් එතන සිද්දවෙන්නෙ නැහැ. රාවය වගේ පත්තරයකින් එවැන්නක් සිද්දනොවීම ලංකාවේ කුරවල් දේශපාලනයට උඩ ගෙඩි දීමක්.

ලංකා‍වෙ ජනප්‍රියම වචනය “යුද අපරාධ” උනාට කවුරුවත් ඒක අඳුනගෙන තියෙන බවක් ‍පේන්න නැහැ. මහින්ද රාජපක්ෂ ඇතුළු ‍කොට්ටාසය යුද අපරාද ‍චෝදනා වලට තල්ලු කරන්න ඕනෙ රටේ ‍හෙට දවසෙ සිද්ධ කරන්න ඉඩ තියෙන විනාසය වලක්වගන්න මිසක් ලංකාවෙ ස්වාධිපත්‍යයවත් ‍වෙන කෙහෙල්මලක් වත් නැති කරන්න ‍නෙමෙයි. විශේෂයෙන්ම තුන්වන ‍ලෝකයේ රටක අරගල සිද්ධවෙන එක වත් විරෝධතා නැ‍ගෙන එකවත් නවත්වන්න පුළුවන් දෙයක් නෙමෙයි. ලංකාවෙ උතුරෙත් දකු‍ණේත් ඒක සිද්ධවෙනවා. ආණ්ඩුව එතකොට උන්ට ත්‍රස්තවාදීන් කියල හංවඩු ගහනවා. ජනතාවගේ සහාය ඇතුව ‍හෝ නැතිව මරලා දානවා. පිළිගත්තා හො නොගත්තා හැබැයි ඒ සංහාර වලට බටහිර රටවල සහයෝගය නම් නොඅඩුව ලැබෙනවා.  හැත්තෑ එකේදි  සිංහල විසි දාහක් සහ අසූඅට අසූනවයේදී හැට දාහක් දකුණේත් දෙදහස් නවයේදී උතු‍රේ දෙමළ ලක්ෂයකුත් මරලා දැම්මෙ ඒ විදිහට. අපි හැත්තෑ එකේදිත් ඒ සමූල ඝාතනයන්ට මුකුත් කළේ නැහැ. අසූඅට අසූනවයේදීත් කළේ නැහැ. මෙච්චර ඇසින් දුටු සාක්ෂි, වීඩියෝ, ඡායාරූප, තිබෙද්දිත්  මේ පාරත් ‍මුං දෙමළ කියලා නොකර ඉන්නවද? තවත් අවුරුදු කීපයකින් තව සංහාර වටයකට ධනපති ආණ්ඩු වලට අවශ්‍ය ඉඩකඩ ඉතිරි කරලා තියෙනවද? හැබැයි මේ පාර ලක්ෂයකින් නතර‍ වෙන්නෙත් නැහැ. සිංහල කියල බලන්නෙත් නැහැ. එදාට ඔය රණ විරුවෝ ගහලයො බවට පත්වෙයි. ඒකට ගොදුරු වෙන්න වැඩියෙන්ම ඉඩකඩ තියන්නෙ අද සද්ද නැතිව ඉන්න සිංහල මිනිස්සුන්ගේ දරුවන්ව. ‍මේ දවස්වල ගෝඨාභය-මහින්ද ලෑස්තිවෙන ආකාරයට එච්චර මහ කාලයක් යන එකකුත් නැහැ. ‍ ගෝඨාභය-මහින්දලාට අද දඬුවම් දෙන්න ඕන කාරනය අන්න ඒක. එල්ටීටීය විනාස කරපු එක් ගැන සතුටින් ඉන්න අය පවා හිතන්න ඕන ඒක. එල්ටීටීය විනාස කරන්න මිසක් අහිංසක මිනිස්සු ලක්ෂයක් මරන්න අපි ඉඩ දුන්නේ නෑ කියන එක් මතක් කරන්න ඕන අන්න ඒ මිනිස්සු. මම හිතන්නෙ රාවය වගේ පත්තරයක් ගොනු වෙන්න ඕන අන්න ඒ වගේ තැනකට. ස්වයං වාරණයක් ඇතිව නිස්සද්දව ඉන්නවට වඩා එහෙම නැත්තම් වික්ටර් අයිවන්ගේ හික නොරිද්දනවට වඩා ඒක අද දවසේ වැදගත්.

එහෙම නැතුව දීප්ති කුමාර‍; විමලනාත් ට ඉස්සර මඩ ගහපු හින්ද දැං දීප්තිත් එක්ක තියෙන තරහට දීප්තිගෙන් කැඩිච්ච සුමිත් චාමින්ද ට දැං රාවයේ වැඩි ඉඩක් ‍දෙන එකවත් සුමිත් චාමින්ද දැං ජවිපෙ කුමාරගෙ ‍සෙට් එකත් එක්ක ඉන්න හින්ද ඒක ජනප්‍රිය කරන එකවත් නෙමෙයි (ඒකත් හරියට කරන්නෙ නැහැ ඒකට අදාල ඉන්ටර්වීව් ටික කර‍ගෙන් එන්න කියන්නේත් කුමාරගෙ ‍සෙට් එකේ කට්ටියටමයි. කිව්ව කෙනාගෙ අදහස් නෙමේ බැලුවම තියෙන්නෙ ප්‍රශ්න අහපු කෙනාගෙ අදහස්). ‍