A day without laughter is a day wasted - Charlie Chaplin

_______________________________________________________________________________________

චැනලයක් වගකිවයුතු මරණයක් !!


චැනල් 4 වෙතින් තවත් වීඩියෝවක් නිකුත් වී තිබේ. මේ වීඩියෝවත් සමඟම මෙම චැනලය බරපතළ අර්බුදයකට මුහුණ දී සිටී. ඉතිහාසයේ ප්‍රථම වතාවට හමුදා නිලධාරියකුගේ මරණයකට (සිදු වුවහොත්) ටෙලිවිෂන් චැනලයක් වග කිවයුතුව ඇත. මෙය පළව තිබුනේ ජූලි 30 සෙනසුරාදා ලක්බිමෙහිය. වඩාත්ම ඉල කකියන්න හිනා යන්නේ මේ නිලධාරියා වෙත දස දහස් හෝ ලක්ෂ ගනනකගේ මරණයන්ට වගකිව යුතු ව යුධ අපරාද වෝදනා එල්ලව තිබීමයි. 

එවන් අභීත නිලධාරියෙකුගේ මරණයට වගකියන්න ටෙලිවිෂන් චැනලයක්........... චැනල් 4 එකට තාමත් හිනාව නවත්තගන්න බැහැ (සියළු වැඩසටහන් තාවකාලිකව නවත්වා ඇත).




මෙම වීඩියෝවට ආණ්ඩුවේ ප්‍රතිචාර (වරකට එක බැගින් හෝ කිහිපවරකට හෝ සියල්ල එකවර)

1.      මෙම සුදු කොඩි දවසේ ශවේන්ද්‍ර සිල්වා රාජකාරියේ නියතුව නැත. අවශ්‍ය නම් දොස්තර එලියට් ගේ වෛද්‍ය වාර්තා ඉදිරිපත් කළ හැක.

2.      මේ විඩියෝවේ සිටින්නේ ශවේන්ද්‍ර සිල්වා නොවේ. ඔහු කිසි දිනෙක මෙවන් තැතිගැන්මකින් හෝ ව්‍යාකූල බවකින් සිටිනු දැක නැත. මෙය පටිගතකර ඇත්තේ ශවේන්ද්‍ර සිල්වා හා සමාන නළුවෙකු යොදා ගැනීමෙනි.

3.      මෙහි මුල් දෙමළ හඩ පට‍ය රජය සතුව ඇත. මෙය එහි සිංහල හඩ කැවූවකි.

4.      මෙය ශවේන්ද්‍ර සිල්වා ගේ සම්පූර්ණ ප්‍රකාශය නොවේ. සම්පූර්ණ ප්‍රකාශය තුළ මාධ්‍යවේදීයා කුඩුපට්ටම් කර ඇත. උවමනාවෙන් සංස්කරණය කර පෙන්වා ඇත්තේ ඔහු තැතිගැන්මකින් හෝ ව්‍යාකූල බවකින් සිටින අවස්ථා පමණි.

5.      ශවේන්ද්‍ර සිල්වා යුධ බිමේදී සෙලියුලර් දුරකථන භාවිතා නොකරන බැවින් ගෝඨාභයගෙන් මෙවැනි පණිවුඩයක් ලැබුණි යැයි පැවසීම අමූලික බොරුවකි.

6.      මෙම වීඩි‍යෝවේ සිටින ප්‍රනාන්දු හා සස්රුත විදේශයට පැනගිය දේශද්‍රෝහි මාධ්‍යවෙදීන් දෙදෙනෙකි. දෙමළ ඩයස්පෝරාව ඔවුන්ට ඩොලර් බිලියනයක් ලබා දී ඇත.

ආසනික් ආතල්


බාස් වැඩේවත් නොදන්න උඹට ඉදිකිරීම් ඇමති කමත් දුන්නා. මල්ලි උඹ ගිහින් මොකෙක් හරි හතුරෙක් හොයා ගෙන වරෙන්

හැම එකකටම කොටි කොටි කිය කියා හිටිය මහින්ද එල්ටීටීය නැතිවීමෙන් පසු බනින්න හතුරෙක් හොයාගන්න වැඩේ විමල්ට පැවරුවේය.

ඔලුව කහ කහා ගිය විමල් පියසිරි ට වැඩේ කිව්වේය.

ලොක්කා මොකද පාන් පිටි වගේ දෙයක්

පාන් පිටි....? කොහොමද බං මං මහින්ද අයියට පාන් පිට්ටක් ගැන කියන්නෙ. මොනව හරි ලෝකෙට දෙසාබාල වරෙන්

පියසිරියා පිස්සා වගේ හන්දියක් හන්දියක් ගානේ පාන් පිටි වලට ත්‍රස්තවාදී ලේබලයක් ගැහුවේය. පාන්පිටි ත්‍රස්තවාදයෙන් මුදා ගැනීමට මාරාන්තික උපවාසයක් පවා සිදු කරන බව කීවේය.

වැඩේ ටිකක් නැගල යන විට විමල් මල්ලී මහින්ද අයියාගේ කනට ළං උනේය
.
අයියා හතුරා හම්බ උනා...... පාන් පිටි

මොන රෙද්දක් ද යකෝ........ පාන් නොකා මගේ කොල්ලො ටික අල කන්නද. ගිහින් වෙන හතුරෙක් හොයං වරෙංමහින්දගේ මළට විමල්ට චූ නොගියේ සිහල උරුමයේ අවාසනාවටය.

දහ අතේ.... කල්පනා කර කර ඉන්නකොට අහම්බෙන් හම්බවුණ නලින්ට මේ වැඩේ කිව්වේය.

නලින් සර්.... ලොක්කට හතුරෙක් ඕන වෙලා......වාක්‍යය ඉවර කරන්නවත් හම්බ උනේ නැත.

මම නාථ දෙයියන්ගෙන් අහල කියන්නම්මහාචාර්ය තුමා කීවේය.

ටික දවසකින් විමල් ට නලීන් සර් ගෙන් එස්එම්එස් එකක් ලැබුනේය. එහි තිබුනේ එක වචනයකි.

ආසනික්

සාකච්චා වට කිහිපයකින් අනතුරුව ආසනික් ත්‍රස්තවාදියා කිරීමේ රසායනික මෙහෙයුම කැළණිය දේවාලයෙන් පටන් ගත්තේය. කුඹුරු වල හාල් වල බත් වල ආසනික් තියෙන බව පත්තරයක් ගානේ ලියෙව්වේය. හම ගිය කකුල් අතපය වල පින්තූර හොය හොයා දැම්මේය. ආසනික් ආතල් නම...කුකුලු අන්ඩක් කකා විස්කි බොන එකා දිවයින කතුවැකියෙත් ලිව්වේය.

වැඩේ හරි විමලයා ආයෙත් මහින්ද අයියාගේ කනට ළං වුනේය.

මේ පාර නම් හරි ...... හතුරා හම්බ උනා....... ආසනික්

මක්කෙයි..............මහින්ද ඇහුවේය.

බත් ඇටයක් කන්න එපා......ඕවගේ අධිරාජ්‍යවාදී ආසනික්විමලයා පැහැදිලි කලේය.

බත් නොකා කොහොමද යකෝ........නාථයා නෙමේ මොකා කිව්වත් ......මං කනවා බත්මහින්ද උඩු රුවුල උපරිමේට පළල් කර ගිගුරුවේය. විමලයා දිව්වේය.

ඊලඟ සතියේ පත්තරයක නලින් මහාචාර්ය තුමාගේ සාකච්චාවක් තිබුනේය.

මාත් කනවා බත්’ 

තමන් පැහැරූ අසූචි ගොඩේ ඇති සතය දිවෙන් ලෙවකා ගැනීම


මේක ඉවරයක් නැති ලැජ්ජා නැති කමකි.

හතරවන ඊළාම් යුද්ධයට මතවාදීමය දායකත්වයද ඔවුන්ගේ ‘අභීත රණවිරුවන්ට’ කායික මානසික ධෛර්යය ලබාදී කොටි සංවිධානය සමූල ඝාතනය කිරීමට සහයෝගය ලබා දුන්නේ වෙන කිසිවෙක් නොව සෝමවංස-බිමල්-අනුර-විජිත ගේ ජවිපෙ ය. සාමාන්‍ය වැසියන් දස දහස් ගනනක් මරා දමා හෝ ත්‍රස්තවාදීන් අතුගා දැමීමට ඔවුනට ආණ්ඩුව සමඟ කිසිම  කොන්දේසියක් නොතිබිණ. තමන්ව සමූල ඝාතනය කළ හමුදාව වෙනුවෙන් බෝධි පූජා පවත්වන්නට හිරිකිතයක් හෝ ඝාතනයට ලක්වුණු සිය සහොදර සහෝදරියන් වෙනුවෙන් බිංදුවක සදාචාරයක් ජවිපෙට නොතිබුනේය.


දැං ජවිපෙට ඉතිරි වුණු ත්‍රස්තවාදීන් දේශපාලන සිරකාරයින් වී ඇත. ජාතිවාදයේ උන්මත්තක භාවයෙන් සිටි ජවිපෙ දැං සහෝදරත්වයක් ගැන කතා කරයි. සිංහල චන්ද පදනම නාය යන විට පිදුරු ගසෙත් එල්ලෙන බලං සිටින දෙමළාගේ අසරණ බව කොල්ලකන්නට බලා සිටියි.

සියලූ ආකාරයේ ජාතිවාදයන් ප‍්‍රතික්ෂේප කොට ජාතික සමගිය ඇති කිරීම සඳහා ජාතිකත්වයන් අතර සහෝදරත්වයේ දිනය ලෙස සමාජවාදී තරුණ සංගමය විසින් ජුලි 23 දිනය නම් කර ඇති බවත් ඒ නිමිත්තෙන් රට පුරා වැඩසටහන් රැසක් සංවිධානය කර තිබෙන බවත් සමාජවාදී තරුණ සංගමයේ ජාතික සංවිධායක බිමල් රත්නායක මහතා පවසයි. සමාජවාදී තරුණ සංගමය කළ විමර්ශනයකට අනුව, දෙමළ දේශපාලන සිරකරුවන් 4700ත් 5200ත් අතර ප‍්‍රමාණයක් නොදන්නා ස්ථානවල රඳවාගෙන සිටින බව පැවසූ ඒ මහතා ඔවුන් නිදහස් කර ඔවුන්ට සාමාන්‍ය ජීවිත ගත කිරීමට අවස්ථාව ලබා දිය යුතු යැයිද පැවසීය.


ඉහතින් දැක්වෙන්නේ මෙම වැඩසටහන වෙනුවෙන් සෑදු ප්‍රචාරක දැන්වීමක කොටසකි. පොත්ත රතු සිංහලයාගේ සහ කළු දෙමළාගේ මානසිකත්වයෙන් ගැලවෙන්නට බැරි ජවිපෙ, දශක හතක් පමණ පැරණි දෙමළ ජනාතාවගේ අරගලයට විසඳුම් දෙන්න හදන්නේ දෙමළ හා සිංහල ගම්  අතර ක්‍රිකට් තරඟ පැවැත් වීමෙනි.


කොරලා බලපල්ලකෝ....


චන්ද මංකොල්ලයේ ඔස්තාද් ලා වන මහින්ද-බැසිල්-ගෝඨාභය තුන් කට්ටුව පසුගිය පළාත් පාලන මැතිවරණයේ දී දෙමළ එක්සත් පෙරමුණ ට දිනන්නට ඉඩ දී  ප්‍රජාතන්ත්‍රවාදී වූ අන්දම සිහිවෙන විට මතක් වුනේ පරණ ගුරුවරයෙකු වූ ඔස්ටින් සර්වයි. 

හූ කිව්වොත් චූ යන්න යටි බඩට අනින ඔසටින් සර්ගෙ පන්තියටත් ළමයින්ගේ කැමැත්තෙන් හැම පාසැල් වාරයකම මොනිටර් කෙනෙක් පත් වෙනවා. ඌට කරන්න පුළුවන් කෙහෙල් මලක් නැහැ. ළමයින්ගෙ හැම මඟුලකටම අම්මමුත්ත නැතුව බැනුම් අහන්නෙ ඌ. ඔස්ටින් සර් චූ යන්න යටි බඩට ගහන එකේ නැවතුමක් නැහැ. මොනිටරය කියල බලන්නෙ නැහැ ඌටත් නෙලනවා.

ඔය පළාත් පාලන ආයතන වලට මොන මොනිටරය ආවත් බඩට නෙලන්නෙ ඒ දෙපලාත් පාලනය කරන හමුදා පාලනාධිකාරය. රාජපක්ෂ රෙජීමය ඒක හොඳට දන්නවා. රාජපක්ෂ ගැති හමුදා ලොක්කො අත දිග ඇරල ඔය දෙපලාත හූරල කකුලු දෙක ගාවටම ගෙනත්ල දෙයි. දැන් ඉතිං ඉන්දියාවට කියල දෙන්න පුළුවං ‘ඹන්න අපි දෙමළුන්ට බලය බෙදා හැරිය. දැං ඉතිං කොරල පෙන්න පල්ලා කියලා’. යූඑන් එකට ඇමෙරිකාවට පෙන්නල දෙන්න පුළුවං අපේ ප්‍රජාතන්ත්‍රවාදය ගැන.

ඒ ඇරුනාම ටීඑන්ඒ එකට වෙන්නෙ හැම මඟුලකටම බැනුම් අහන්න මොනිටරයට උනා වගේ. ඒ පළවෙනි දේසනාව රණවක සිල්වතා කරල තිබුණා.

“අපේ රටේ සිංහල ජනතාවගේ වෛරය පාදන කතා නොකර දෙමළ ජාතික සන්ධානයට දැන් පුළුවන් ඒ ඇත්තන්ගෙ ගම හදල පෙන්වන්න. එයාලගේ ප‍්‍රාදේශීය සභාවල් හදල පෙන්වන්න. විදුලිය පාරවල් නැවත පදිංචි කිරීම් කරල රටට ආදර්ශයක් දෙන්න දැන් පුළුවන්. කවදාවත්  ඕක කොරල තිබුනෙ නැහැනෙ. දැන් අපිට ඇඟිල්ල දික් කරන්න බෑ. දැන් මෙහෙට දොස් කියල වැඩක් නෑ. දැන් ඒ ඇත්තො තමන්ගේ ගම නගරය ගොඩ නැගීමේ අභියෝගය බාර අරගෙන කටයුතු කළ යුතුයි. වෙන බලතල ඉල්ලන්නෙ නැතිව.”

සිල්වතා හිතන්නෙ දෙමළ මිනිස්සු කොටි පාලන ප්‍රදේශවල හාමතේ මැරිලා හිටිය කියල. මොකක් හරි ක්‍රමයකින් අතීතය හාර අවුස්සන්න තරම් මිත්‍රකමක් හදා ගන්න පුළුවන්නම් ඒ පළාත් වල හිටිය මිනිස්සු කියයි තමන්ගෙ සංස්කෟතිය සදාචාරය සභ්‍යත්වය රැක ගෙන ඒ පලාත්වල ජීවත්වෙච්ච විදිහ. බිම් බෝම්බයි අහස් බෝම්බයි ඇරුනාම ආණ්ඩුවෙන් දුන්න කිසිදෙයක් නැතත් පුළුවන් විදියට කාල බීල නිදාගත්තා. අනිත් එක දෙමළ ජනතාවට උපදෙස් දෙන රණවක උන්නැහැ හිතාගෙන ඉන්නෙ සිංහල අපිට මේ වෙන කොට රාජපක්ෂ ආණ්ඩුව යටතේ සෞභාග්‍යය උදා වෙලා කියලා.

මොනවා උනත් දෙමළ මිනිස්සුන්ට කොන්දක් තියෙන බව නම් චන්දෙන් පෙන්නල දුන්න. චන්දෙ නොදුන් ප්‍රතිශතය බැලුවාමත් ඒක පේනවා (හැබැයි අතුරුදහන් වෙච්ච ගොඩත් එතන ඇති). චන්දෙ ඉල්ලපු පලාත්වල යූඑන්පී එකයි ජේවීපී එකයි දෙකටම කූජිත වෙන්න දීල තිබුණා.

සෙප්පඩ විජ්ජා පෙන්නවා මිසක් ‍ දෙමළ ජාතිය විනාශ කරන එක රණවක-රතනලගේ ආණ්ඩුව නවත්තන්නෙ නැහැ.

නාථගෙ ඔත්තුවට දෙවොල්ට පැමිණිලි කිරීම

(නාථ ගේ පයිණ්ඩය කියන්නට රතන සාදු දොවොල් මුණ ගැහෙන්නට යන අයුරු ඉහතින් දැක්වෙයි)


ලංකාව ඇදගෙන යන විදිහ සහ කට්ටිය දිහා බැලූ විට දැං ඉතිං දෙයියංගේම පිහිටයි. මන්ද බුද්ධික චීවර ධාරියෝද ගොඩ දොස්තරවරුද අඩු මානසික මහාචාර්යවරුද හරි හරියට දෙවියන් සමඟ කොමියුනිකේට් කරති. ඒ ගැන ආඩම්බරයෙන් ටෝක්ස් දෙති. දැං ම. සිල්වාගෙයි න. සිල්වාගෙයි වෙනසක් නැත. දෙන්නටම අවශ්‍යනම් එකට තිරුපති ගිය හැකිය. ඒත් සිල්වාගේ වටේ උන්න උන් අත අරින්නේ නැත. ලියති...කියවති..අදිති...  තාම උන් සිටින්නේ ලොක්කාගේ උනාට උං හිතන මගේ ලෝකයේය. ‘ලොක්කා නාලා වැඩියි බං ගොඩ ගන්න බෑ’ .. රෑට කතාවෙනවලු කට්ටිය.

කිසිදෙයක් මොකටද....මේ ‍ටිකෙන් ගොඩගන්න ජාතිවාදී බුරුත්ත එක්කහු උනත් බැරිය.
------------------
නාථ දෙවියන්ගේ මඟ පෙන්වීම් මේ සොයා ගැනීම් සඳහා උපකාර වුණා යෑයි පළ වී ඇති තොරතුරු සහ මේ ක්‍රමවේදය අතර තිබෙන සම්බන්ධය කුමක්‌ද?
නාථ දෙවියො කියන්නෙ මතු බුදුවන මෛත්‍රී බෝසතාණන් වහන්සේ. උන්වහන්සේ සමඟ සන්නිවේදන කටයුතු කළ හැකි කාන්තාවක්‌ අපේ මේ කණ්‌ඩායමට සම්බන්ධව සිටිනවා. දෙවියන් ආරූඪ වීමක්‌ වැනි දෙයක්‌ නෙමෙයි. ඒ මහත්මිය සතු කිසියම් පාරමී ශක්‌තියක්‌ තිබෙනවා.

ආහාරවල පළිබෝධ නාශකවල ආසනික්‌ තිබෙන බවට මුලින්ම තොරතුරු කිව්වෙ ඒ මහත්මියද?
රජරට වකුගඩු රෝගය පිළිබඳ මම මගේ මිතුරන් සමඟ අවුරුදු කිහිපයක්‌ම සාකච්ඡා කළා. රජරට විශ්වවිද්‍යාලයේ සේවය කරන වෛද්‍ය චන්න ජයසුමන එයින් එක්‌කෙනෙක්‌. කොටි තර්ජන තිබුණු ඒ කාලේ අපි මුලින්ම හිතුවෙ මේක කොටින්ගෙ වැඩක්‌ කියලයි. අපි එහෙම සැක කළේ මේ රෝගය වැඩිපුරම පැතිරුණේ කොටි තර්ජනය තිබුණු ගම්මානවල නිසා. පසුව මම මගේ මිත්‍රයා කලින් සඳහන් මහත්මිය වෙත යොමු කළා. රජරට ප්‍රදේශයේ ජලයේ සහ පස්‌වල ආසනික්‌ ඇති බවත් මේ රෝගයට හේතුව එය බවත් ප්‍රකාශ කළේ ඇය. ඇය ඒ තොරතුරු ලබා ගත්තෙ නාථ දෙවියන්ගෙන්. ඒ වගේම අපේ කණ්‌ඩායමේ කිහිපදෙනෙක්‌ ඉන්නව භාවනාව දියුණු කරපු අය. ඔවුන් භාවනානුයෝගීව සමාධිගතව සිටින විට කිසියම් ද්‍රව්‍යයක්‌ දෙස බලා එහි අඩංගුව ඇති දේවල් හඳුනා ගැනීමට හැකියාවක්‌ තිබෙනවා. එය නාථ දෙවියන් හා සම්බන්ධ කාරණයක්‌ නෙමෙයි. රජරට ජලයේ සහ පස්‌වල ආසනික්‌ තිබෙන බව අපි නාථ දෙවියන්ගෙනුත් දැන ගත්තා. භාවනාව දියුණු කළ අපේ කණ්‌ඩායමේ කිහිපදෙනෙකුත් එය තහවුරු කළා. නමුත් අපි මෙය කාටවත් කිව්වේ නැහැ. අපි සම්මත රසායන විද්‍යාවට අනුව ඒ ගැන සොයා බැලුවා. නමුත් ඒ පරීක්‍ෂණවලදී අපට ආසනික්‌ තිබෙන බවට කිසිදු හෝඩුවාවක්‌ ලැබුණෙ නෑ. අපේ කණ්‌ඩායම නැවතත් භාවනාව තුළිsන් මෙහි නිරවද්‍යතාව පරීක්‍ෂා කළා. එහිදී ඒ අයට පෙනුණා ආසනික සොයන්නට භාවිත කරන ක්‍රමය වැරදි බව. පළමු ක්‍රමය මඳක්‌ සංශෝධනය කර ක්‍රියාත්මක කළ දෙවැනි ක්‍රමයේදී රජරට ජලයේ සහ පස්‌වල ආසනික්‌ ඇති බව පෙනුණා. අමුතු දෙයක්‌ කළේ නෑ. ඒ ඇසිඩ්මයි ඒ භෂ්මමයි. නමුත් එකතු කළ ප්‍රමාණවල වෙනසක්‌ සිදු කළා. මේක අපේ ක්‍රමයක්‌. භාවනාවෙන් සිත දියුණු කර සොයා ගත යුතු ක්‍රමයක්‌.
අපේ රටේ කිසිදු විද්‍යාඥයකුට මෙවැනි අදහසක්‌ පහළ වෙලා නැහැ. අවුරුදු 18 දී විශ්වවිද්‍යාලයට ඇවිත් අවුරුදු 66 ක්‌ විශ්වවිද්‍යාලයේ හිටපු මම අපේ රටේ බුද්ධිමතුන් හොඳට හඳුනනවා. අපේ විද්‍යාඥයො කරන්නෙ පොතේ තියෙන දෙයක්‌ අරං ප්‍රශ්නයක්‌ විසඳනව මිසක්‌ ඔවුන්ට අලුත් අදහස්‌ නෑ. අදහස්‌ පහළ වෙන්නෙ කොහොමද කියලවත් අපේ අද විද්‍යාඥයො දන්නෙ නෑ.


මහාචාර්ය (මර්වින් සිල්වට තියෙන එකේ ලොකු එක) නලින් ද සිල්වා - දිවයි‍න පත්තරෙන්