A day without laughter is a day wasted - Charlie Chaplin

_______________________________________________________________________________________

හෙළ ඉංජිනේරු ගැණිල්ල


ආණ්ඩුවෙ වාර්තා අනුව වන්නියෙ මුලතිව් හා කිලිනොච්චි දිසත්‍රික්කවල 2008 දී ජනගහනය 429,059 යි. එක්සත් ජාතීන්ගේ වාර්තා අනුව 2009 ජූලි වෙන විට සිංහල ආණ්ඩුව පාලනය කරන ප්‍රදේශ වෙත පැමිණි සංඛ්‍යාව 282,380 යි. මේක මතක් කරල දුන්නේ මන්නාරමේ කතෝලික බිෂොප් වරයා. 429,059 න් 282,380ක් අඩුකරල බැලුවාම විදුලි ඉංජිනේරු චම්පික රණවක ඇමතිවරයාට ඔළුව කහන්න වෙන ගානක් ඉතුරු වෙනවා. 146,679 කට මොකද උනේ?

ඔය අවුරුදු ගානටම මැරිච්ච හරි අතුරුදහන් වෙච්ච ප්‍රමාණය 1,100 කියල හෙළ ඉංජිනේරුවා ගැණල තිබුණා කියලා බීබීසිය කියල තිබුණා.

අනුන්ගෙ බඩු කිරිල්ල


මේ කට්ටිය හැමදාමත් කළේ දේශපාලකයන්ගෙ බඩු කිරිල්ල. ආණ්ඩුවෙ ඉන්න සෙට් එක හමුදාවෙ ලොක්කා ලව්ව පොඩ්ඩන් දාල බඩු කිරෝනවා. පොඩ්ඩො හිතන්නෙ රාජ්‍ය සේවය කියලා. දැං නං තක්කාලි කිරන්නෙ. පහුගිය කාලේ කිරෝපු කිරිල්ල ට දකුණෙ හැට දාහකුයි උතුරෙ හතළිස්දාහකුයි ඉවර උනා.

ෂුකාර් ට නම් නං මාර ආතල්. දේශප්‍රේමීන්ට යකා නැගල ‘කවුද යකෝ මුර දෙයියො ලව්ව තක්කාලි කිරවන්නෙ. ඊටත් වඩා මුර මේජර් දෙයියො ලව්වා’.

අම්මට සිරි රජ සිරි


"කාට හරි කියන්න පුළුවන් අපි මහින්දට කඩේ යනව කියල. ඔව් අපි කඩේ යනවා. ඒකෙ වැරැද්ද මොකද්ද? ඒකෙ කිසිම වැරැද්දක් නැහැ" මෙහෙම කිව්වෙ සෝමරත්න දිසානායක. වැරැද්දක් නම් නෑ. ඒත් කඩේ ගිය ප්‍රමාණයේ තරමට පරම්පරාවක් ගොඩදාගන්න පුළුවන් වෙලා වගේ. ඩිරෙක්ටර් දිසානායකගෙ සහෝදර රියර් අද්මිරාල් ඩී. ඩබ්ලිව්. ඒ. එස්. දිසානායක ට නාවික හමුදාපතිවරයා හැටියට වහාම ක්‍රියාත්මක වන පරිදි පත් කළ බව පසුගියදා වාර්තා වුණා.

හිටපු නාවික හමුදාපති තිසර සමරසිංහ පෙන්ෂන්. කටු බෝනස් ටුවර් මහ කොමසාරිස් ඔස්ට්‍රේලියාවට.


අඳින්න මිනි ගවුම අඳින්න

ටී (තලෙයි). බී (බාන්). ඒකනායක හාපුරා කියල පටන් ගත්තෙ කොට ගවුම් දිහා බලන්න. කොටට ඇන්දොත් දෙනවා දෙකක් කියල ගත්තනෙ අතට පොල්ල. චෙක් කරන්න දැම්මෙ කාලෝ මාමාව. රජතුමාට මළ. ටී. බී නාහෙන් අඬන්න ගත්තා.

‘සර්ට නම් ඉන්නෙ කොල්ලොම තුන්දෙනෙක්. මගෙ දරුවා කෙල්ලෙක්නේ ඒකිව හදාගන්න තමයි මේ ඔක්කොම කළේ’

‘කොල්ලොම තුන්දෙනෙක් ඉන්න හින්දා තමයි මට ප්‍රශ්නේ. මට උන් ඉන්න දෙන්නේ නෑ හොටු හූරගෙන අඩනවා. ඕව වහගත්තාම උන් මොනවද යකෝ බලන්නේ’

කාලෝ මාමාගේ ජොබ් එකට කෙළ උනේය.


උන්ගේ බඩු උන්ගේ මාධ්‍ය


යාපනයේ වලිකාමම් කොට්ඨාශය භාර සහකාර අධ්‍යාපන අධ්‍යක්ෂ මාකන්දු සිවලිංගම් පසුගිය දා ඝාතනය කර තිබුණි. ඔහු ජාතික ගීය සිංහලෙන් පමණක් ගැයීමට ප්‍රසිද්ධියේ විරුද්ධ වීමත් එම රාත්‍රියේම නාඳුනනා කියන ඝාතකයින්ට ගොදුරුවීමත් අහඹු සිද්ධීන් නොවන බව දන්නෝ දනිති. මෙම මරණය සිදුකරන ලද්දේ සොරකමක් පිණිස ය යන ව්‍යාජ කරුණ පෙන්වීම පිණිස සිවලිංගම් මහතාගේ දියණියගේ එක් කරාබුවක් පමණක් ඝාතකයින් විසින් රැගෙන ගොස් ඇති අතර ඒ මහතාට වෙඩි තබා ඇත්තේ අවශ්‍ය නම් සියළු ස්වර්ණාභරණ රැගෙන සිය පියාට වෙඩි නොතබන ලෙස දියණිය විසින් හඬාවැටී කරන ලද කන්නලව්වද නොසළකා බව අයිතීන් සඳහා එකමුතුව නම් වූ සංවිධානය ද හෙළිකර තිබුණි.

දකුණේ සිංහල මාධ්‍ය මේ වගක් නොදැක්කාසේය. පළකර තිබූ එකම පුවතත් ලංකාදීපයේ පළකර තිබුනේ මෙසේය.

----------
උතුරේ ඝාතනයක්
(යාපනයේ එස්. පරමේෂ්වරන්)
යාපනයේ උරුම්පිරායිහි සහකාර අධ්‍යාපන අධ්‍යක්ෂ මානික්කම් සිවලිංගම් මහතා (52) සොර කල්ලියක වෙඩි පහරින් මරුමුවට පත්වී යැයි කෝපායි පොලිසිය කියයි. ඔහුගේ නිවෙසේ රන් බඩු කොල්ලකෑමට සොරුන් ඇතුළු වී යැයි කියති.
--------------

කොළඹ ආරක්ෂක කැමරා


දැං ඉති ත්‍රස්තවාදය මුලිනුපුටොලා සාමය උදා කරවොලා ඉවර හින්දා ඔක්කෝම ඉවර උනාට පස්සෙ ලඟදි අටවපු ආරක්ෂක කැමොරා වලින් ගෝඨා ලේකම් මහත්තයා කොරන්න හදන දේ ගැන ඔත්තුවක් ලැබිල තිබුනා.


කොට ගවුම් ඇල්ලීම

හුලිජ්ජ දාන එකාල ඇල්ලීම

හිඟන්නෝ අල්ලා නෙලීම

සෙරෙප්පු නැති කකුල් ඇල්ලීම

බුලත් කෙළ ගහන එවුන් ඇල්ලීම

කොළඹට එන කුබෝටා ඇල්ලීම

මැත්තෝ ඇමැත්තෝ යන තැන් බැලීම

බලු ලයිසොම ඇල්ලීම

ජනතාව යනු ‍ ජොන්ස්ටන් වූ කල




ජනතාව යනු අට පාස් (අට පාස් ඇත්තෝ කමත්වා) ජොන්ස්ටන් වූ කල දුකක් නැතිව කා බී ජීවත්විය හැකි ආණ්ඩුවක් දැන් ඌට තිබේ. නැත්තම් අපි දන්නා ජනතාව බඩු මිල දැක්ක පමණින් දැං මතක් කරන්නේ මහින්ද ගේ හා ‍ ජොන්ස්ටන් ගේ මෑණිවරුන්ය.

-----------

දුකක් නැතිව කා බී ජීවත්විය හැකි ආණ්ඩුවක් දැන් තිබෙනවා

දෙසැම්බර් 31  - අද දෙරණ

ජනතාවට (මට) දුකක් නොමැතිව, කා බී යහපත් ලෙස ජීවත්විය හැකි ආණ්ඩුවක් වර්තමානයේ පවතින බව සමුපකාර හා අභ්‍යන්තර වෙළඳ අමාත්‍ය ජොන්ස්ටන් ප්‍රනාන්දු මහතා පවසයි.

බඩු මිල ඉහළ යමින් පවතින බව පෙන්වීමට විපක්ෂය මහත් සටනක් ගෙන යන නමුත් එය සත්‍යයක් නොවන බව ද අමාත්‍යවරයා පෙන්වාදෙයි.
 

-----------